Адсвяткавалі "Масленіцу"

23 студзеня 2009, 12:12

/images/0000/0110/svitanak_Maslenica.jpg

18.02.07
 
Увесь мінулы тыдзень у сталіцы Латвіі ладзіліся святочныя мерапрыемствы, прысвечаныя Масленіцы. На шматлікіх адкрытых пляцоўках Рыгі падчас народных гулянняў згодна паганскім традыцыям было спалена нямала пудзілаў-лялек, а ў канцэртных залях адбыўся шэраг канцэртаў, прысвечаных гэтаму святу, што сімвалізуе канец зімы і надыход вясны.
 
У адным з такіх канцэртаў, што адбыўся ў заключны дзень “масленічнага” тыдня, 18 лютага у Вялікай залі Дома культуры Балтыйскага Рускага інстытута, браў удзел вакальны гурт Латвійскага таварыства беларускай культуры “Cьвітанак”. Арганізатарам канцэрту выступіла Балтыйская міжнародная акадэмія танца “Наталі”. Акрамя выхаванцаў акадэміі – спевакоў-салістаў і танцораў, у канцэрце удзельнічалі з танцамі тэатр “Эрмітаж” і шоу-балет “O’кеy”. А гурт “Cьвітанак” упрыгожыў свята нашымі цудоўнымі беларускімі песнямі. На гэты раз гурт выступіў у пашыраным складзе, бо апошнім часам значна павялічылася мужчынская група калектыву, і нарэшце загучалі і ў “зімовых” і ў “вясновых” песнях ў выкананні “світанкаўцаў” асобныя мужчынскія партыі. Вельмі прыемна ўразіла, што гаспадары-арганізатары таксама падрыхтавалі шэраг беларускіх нумароў. Арыгінальна пастаўлены, надта спадабаўся мне танец “Ох, і сеяла Ульяніца лянок”. Кіраўніца Балтыйскай міжнароднай акадэміі танца Наталля Сіберга яшчэ ў студзені дала згоду на запрашэнне выступіць з сваімі выхаванцамі з беларускімі песнямі і танцамі на нашым традыцыйным святкаванні ўгодкаў абвяшчэння БНР 25 сакавіка.
 
Таццяна Казак
 
На здымках:
/images/0000/0112/maslenica_tanec.jpg

 

24 красавіка 2017

-

21 красавіка 2017

-

13 лістапада 2016

-

24 лютага 2017

ШКОЛА ЧАКАЕ БУДУЧЫХ ВУЧНЯЎ


Рыжская Беларуская асноўная школа імя Янкі Купалы аб'яўляе набор навучэнцаў на 2017/2018 навучальны год

-
Адрас Рыжскай Беларускай асноўнай школы імя Янкі Купалы:
Рыга, вул. Ілукстэс, 10, LV-1021
Тэлефон для даведак: 67247545

 

v0.1.2-beta