Беларускі ансамбль "Купалінка" запрашае на юбілей

21 красавіка 2017, 12:40

У пятніцу, 21 красавіка 2017 года, у 18.00, у вялікай зале даўгаўпілскага Палаца культуры пройдзе юбілейны канцэрт, прысвечаны 25-годдзю ансамбля беларускай народнай песні "Купалінка" даўгаўпілскага Цэнтра беларускай культуры (ЦБК).

                                     -

Ансамбль беларускай народнай песні "Купалінка" пад кіраўніцтвам Вячаслава Пятрова - гэта запальныя, гарэзлівыя і лірычныя песні з непаўторным беларускім гумарам і каларытам.

Калектыў быў арганізаваны ў 1992 годзе. Сваёй назвай ён абавязаны свайму першаму кіраўніку - педагогу і музыканту Яніне Юзэфовіч.

«Купалінка» з'яўляецца ўдзельнікам шматлікіх міжнародных фестываляў і святаў:

• «Вішнёвы фестываль» у Глыбокім (Беларусь, 2016),
• «Купалле ў Полацку» (2016),
• Міжнароднага фестывалю «Балтыка-2015» (Рыга, 2015),
• Міжнароднага фестывалю "Залессе збірае сяброў" (Беларусь, 2015),
• Міжнароднага беларускага фальклорнага фестывалю "Фэст" (Дагда, 2015),
• Міжнароднага фестывалю народных культур «Беларускі кірмаш у Даўгаўпілсе" (2011, 2012, 2013, 2014, 2015, 2016),
• IV фестывалю народнай песні (Ліваны, 2015),
• Фестывалю «Ģimenes šūpolī" (Даўгаўпілскі край, 2015),
• VII Міжнароднага этнафестывалю «GOSTI» (Рэзэкне, 2014),
• Х Міжнароднага Даўгаўпілскага фальклорнага фестывалю (2014),
• Дыпламант XXV Уселатвійскага свята песні і XV Свята танца (Рыга, 2013); сярэбраны прызёр (2 месца)
• Міжнароднага фестывалю "Браслаўскія зарніцы" (Беларусь, 1999, 2007),
• ІІ Міжнароднага фестывалю беларускай народнай песні (Рыга, 2007),
• XV Міжнароднага фестывалю мастацтваў у Віцебску (Беларусь, 2006),
• Міжнароднага фестывалю песні і танца (Екабпілс, 2006),
• VI Міжнароднага Даўгаўпілскага фестывалю масачных традыцый (2006),
• III і IV Міжнароднага музычнага фестывалю нацыянальных меншасцяў "Латгальскі вянок" (Індра, 2002, 2004)
• II Міжнароднага фестывалю народнага мастацтва "Аугшдаугава" (Даўгаўпілскі край, 2004)
• Фестывалю беларускай народнай песні (Рыга, 2003),
• Міжнароднага фестывалю народнай творчасці "Гуляй, гармонік, у Латгаліі" (Прэйлі, 2003)
• II Міжнароднага Даўгаўпілскага фестывалю масачных традыцый (2001) i інш..

Ансамбль "Купалінка" адзначаны наступнымі ўзнагародамі: Падзякай Латвійскага Цэнтра народных культур, Ганаровай граматай Міністэрства культуры Рэспублікі Беларусь, Падзякай Упраўлення культуры Даўгаўпілскай гарадской думы, Падзячнай граматай Даўгаўпілскай гарадской думы.

У рэпертуары ансамбля больш за 40 беларускіх фальклорных і абрадавых песень, а таксама ёсць латышскія і латгальскіх народныя песні, тэматычныя аўтарскія песні на беларускай мове.

У выкананні ансамбля "Купалінка" прагучаць лепшыя песні з багатага рэпертуару калектыва. Удзельнікі ансамбля падораць усім гледачам выдатны настрой у цёплы красавіцкі дзень!

У канцэрце таксама прымуць удзел калектывы Цэнтра беларускай культуры: вакальна-інструментальны ансамбль "Пралескі", танцавальны ансамбль "Лянок", харавая капэла «Спадчына», тэатральная студыя "Паўлінка", а таксама госці з Латгаліі, Літвы і Беларусі.

Сустракаемся 21 красавіка 2017 года, у 18.00, у вялікай зале Палаца культуры! Уваход бясплатны.

Арганізатары канцэрта: даўгаўпілскі Цэнтр беларускай культуры ў супрацоўніцтве з Генеральным консульствам Рэспублікі Беларусь у Даўгаўпілсе і культурна-асветніцкім таварыствам «Уздым».

 

Цэнтр беларускай культуры,

т. 654 24695, cbk@inbox.lv, www.bkc.daugavpils.lv

г.Даўгаўпілс, вул.Смілшу, 92,

Палац культуры, ЦБК - 3 паверх, каб. 305-306

 

24 красавіка 2017

-

21 красавіка 2017

-

13 лістапада 2016

-

24 лютага 2017

ШКОЛА ЧАКАЕ БУДУЧЫХ ВУЧНЯЎ


Рыжская Беларуская асноўная школа імя Янкі Купалы аб'яўляе набор навучэнцаў на 2017/2018 навучальны год

-
Адрас Рыжскай Беларускай асноўнай школы імя Янкі Купалы:
Рыга, вул. Ілукстэс, 10, LV-1021
Тэлефон для даведак: 67247545

 

v0.1.2-beta