Беларуская школа акрэдытавана на максімальны тэрмін - шэсць гадоў!

23 студзеня 2009, 21:44


19 мая ў школах Латвіі прагучаў апошні школьны званок. Ён абвясціў аб заканчэнні заняткаў, а таксама нагадаў аб тым, што наперадзе адказная пара - выпускныя экзамены.

Асабліва святочна гучаў ён для калектыву Рыжскай беларускай асноўнай школы. Менавіта ў гэты дзень сталі канчаткова вядомыя вынікі атэстацыйнай камісіі, якая згодна Закона аб адукацыі Латвіі, павінна была разглядзець працу калектыву школы, каб вынесці рашэнне аб яе чарговай акрэдытацыі.

З гэтым адказным экзаменам, ад якога залежаў лёс не толькі школы, але і беларускай асветы ў Латвіі ўвогуле, беларускія педагогі справіліся паспяхова. Рыжская беларуская асноўная школа атрымала чарговую акрэдытацыю на максімальна магчымы тэрмін у адпаведнасці з латвійскім заканадаўствам - на шэсць гадоў. Гэта азначае не толькі тое, што да 2013 навучальнага года школа будзе навучаць беларускіх дзецей, жыхароў латвійскай сталіцы. Гэта дае надзею спадзявацца, што ў беларускай школы ёсьць будучыня. І, магчыма, не за гарамі той дзень, калі апошні школьны званок будзе гучаць не толькі для нашых дзевяцікласнікаў, але і для выпускнікоў беларускай сярэдняй школы.

Адначасова з акрэдатацыяй школы праводзіцца і атэстацыя кіраўнікоў навучальных устаноў. Нашы шчырыя віншаванні дырэктару Рыжскай беларускай асноўнай школы Ганне Уладзіславаўне Іванэ. Свой галоўны экзамена педагога і кіраўніка, яна вытрывала з годнасцю. Сведчаннем таго - таксама права на працягу максімальна магчымага тэрміну - шасці гадоў займаць дырэктарскую пасаду, што засведчана вынікамі праверкі.

Наперадзе ў выпускнікоў Рыжскай беларускай асноўнай школы - цэнтралізаваныя дзяржаўныя экзамены. Віншуем калектыў школы з паспяховай акрэдытацыяй і жадаем беларускім школьнікам поспяховай здачы выпускных экзаменаў!

На здымках:

Апошні званок для выпускнікоў 2007 года

24 красавіка 2017

-

21 красавіка 2017

-

13 лістапада 2016

-

24 лютага 2017

ШКОЛА ЧАКАЕ БУДУЧЫХ ВУЧНЯЎ


Рыжская Беларуская асноўная школа імя Янкі Купалы аб'яўляе набор навучэнцаў на 2017/2018 навучальны год

-
Адрас Рыжскай Беларускай асноўнай школы імя Янкі Купалы:
Рыга, вул. Ілукстэс, 10, LV-1021
Тэлефон для даведак: 67247545

 

v0.1.2-beta